મુંબઈ નું નામ પડતાં જ સૌથી પહેલા આપણા મનમાં વડાપાંઉ નું ચિત્ર ઉત્પન્ન થાય છે. જ્યારે આપણે મુંબઈની અંદર જઈએ છીએ ત્યારે અવશ્ય અવશ્ય ક્યારેક ને ક્યારેક તો વડાપાંઉ ખાઈએ છીએ. અને મુંબઈના વડાપાંઉ એટલાં સ્વાદિષ્ટ હોય છે કે, લોકો તેને ખાધા વિના રહી જ નથી શકતા. જ્યારે આપણે તે વડાપાંઉ ખાઈએ છીએ ત્યારે તેની અંદર વચ્ચે લગાવવામાં આવતી લાલ ચટણી નું તો શું વાત જ કહેવી.
આજે અમે આપને બતાવવા જઈ રહ્યા છીએ વડાપાંઉ ની અંદર વચ્ચે લગાવવામાં આવતી લાલ ચટણી બનાવવાની રેસીપી. જો એક વખત તમે આ બનાવી અને તેને વડાપાંઉ ની અંદર લગાવશો તો તમે વડાપાંઉ ખાતા જ રહી જશો.
સામગ્રી
- બે ચમચી કાશ્મીરી લાલ મરચું
- ૧૦ થી ૧૨ લસણની કળીઓ
- એક ચમચી શેકેલા સીંગદાણા
- એક ચમચી તલ
- એક ચમચી કોપરાનું ખમણ
- સ્વાદ અનુસાર મીઠું
- જરૂર મુજબ તેલ
બનાવવાની રીત
- મસાલેદાર લાલ ચટણી બનાવવા માટે સૌપ્રથમ એક કડાઈની અંદર થોડું તેલ મૂકી સીંગદાણા બરાબર શેકી લો.
- ત્યારબાદ તેની અંદર કોપરાનુ છીણ ઉમેરી તેને પણ બરાબર શેકાવા દો.
- ત્યારબાદ તેની અંદર ૧૦ થી ૧૨ લસણની કળી ઉમેરી તે બ્રાઉન રંગની થાય ત્યાં સુધી તેને શેકાવવા દો. અને
- ત્યારબાદ તેની અંદર એક ચમચી જેટલા તલ નાખી તેને પણ બરાબર શેકી લો
- જ્યારે આ બધી જ વસ્તુ બરાબર શેકાઈ જાય ત્યારબાદ તેને મિક્સ ની અંદર અથવા તો બ્લેન્ડર મારીને બરાબર ક્રશ કરી લો.
- ત્યારબાદ તેની અંદર કાશ્મીરી લાલ મરચું અને સ્વાદ અનુસાર મીઠું ઉમેરી, એક ચમચી જેટલું તેલ ઉમેરી બરાબર મિક્સ કરી લો.
- બસ આ રીતે તૈયાર છે વડાપાંઉ ની વચ્ચે લગાવવામાં આવતી એકદમ સ્વાદિષ્ટ લાલ ચટણી.
લેખન અને સંપાદન : ટીમ ગુજ્જુ ગપશપ
નોંધ:
તમે આ લેખ “ગુજ્જુ ગપશપ” ના માધ્યમ થી વાંચી રહ્યા છો. જો તમને આ લેખ પસંદ આવ્યો હોય તો અન્ય મિત્રો સાથે Share કરજો.
આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.