ચોમાસાની ઋતુ શરૂ થતાં જ ઠેરઠેર તુરીયા જોવા મળે છે. જ્યારે તમે બજારમાં જાવ કે તમને તુરીયા નું શાક દરેક જગ્યાએ જોવા મળશે. મોટેભાગે આપણે ચોમાસાની સિઝનમાં તુરીયા નું શાક બનાવતા જ હોઈએ છીએ. પરંતુ સામાન્ય રીતે તેને આપણે બીજા શાકની જેમ જ વઘાર કરીને બનાવીએ છીએ.
પરંતુ જો આ તુરિયાના શાકને કંઈક અલગ રીતે બનાવવામાં આવે તો તે બની જાય છે એકદમ સ્વાદિષ્ટ. આજે અમે આપને બતાવવા જઈ રહ્યા છીએ આ તુરિયાનું એકદમ ચટપટું અને સ્વાદિષ્ટ શાક બનાવવા માટે ની રેસીપી કે જે તમે એક વખત બનાવશો તો તમે સાદા તુરિયાના શાકને ભૂલી જશો.
સામગ્રી
- 5 નંગ તાજા તુરીયા
- ચારથી પાંચ ચમચી તેલ
- અડધો કપ દાળિયા
- બે ચમચી સૂકા ધાણા
- અડધી ચમચી ટોપરાનું ખમણ
- બે ચમચી લાલ મરચું પાઉડર
- બે ઝીણી સમારેલી ડુંગળી
- ૭ થી ૮ કળી લસણ
- અડધી ચમચી હળદર
- ૩ થી ૪ સુકા લાલ મરચા
- અડધો કપ શેકેલી મગફળીનો ભૂકો
- અડધી ચમચી ગરમ મસાલો
- બેથી ત્રણ ચમચી ઝીણી સમારેલી કોથમીર
- 1 ચમચી લીંબુનો રસ
- સ્વાદ અનુસાર મીઠું
- બે ચમચી આખા ધાણા
બનાવવાની રીત
સૌપ્રથમ એક પેન ની અંદર થોડું તેલ મૂકી દાળિયા અને જીરું ને બરાબર શેકી લો. ત્યારબાદ તેની અંદર થોડી મગફળી શેકી લઈ આ બધી જ વસ્તુને મિક્સર ની અંદર ક્રશ કરી એકદમ બારીક ભૂકો બનાવી લો.
ત્યારબાદ 4થી 5 નંગ તાજા અને કુણા હોય તેવા તુરિયાને બરાબર સાફ કરી. તેના અંદાજે બે થી ત્રણ ઇંચ જેવડા કટકા કરો. અને આ કટકા કરી તેની વચ્ચે કાપા કરી લો.
ત્યારબાદ બારીક પાઉડર કરેલ દાળિયા અને મગફળીના પાઉડર ની અંદર થોડું તેલ ઉમેરી. તેની અંદર થોડું લાલ મરચું પાઉડર સ્વાદ અનુસાર મીઠું અને ધાણાજીરું ઉમેરી તેનો એક બરાબર મિક્સ કરીને મસાલો તૈયાર કરો. અને ત્યારબાદ તેને તુરીયા ની વચ્ચે ભરી દો.
હવે એક પેનમાં તેલ ગરમ કરવા મુકો. અને તેની અંદર ડુંગળી અને લસણને બરાબર પાકવા દો. જ્યારે લસણ અને ડુંગળી બરાબર પાકી જાય ત્યારબાદ તેની અંદર એક ચપટી જેટલી હિંગ ઉમેરી તુરિયાના કટકા ઉમેરી દો.
તુરિયાના કટકા ઉમેર્યા બાદ આ શાકને ખૂબ વધુ હલાવવું નહીં. જેને કારણે તુરીયા ની અંદર રહેલું મસાલો બહાર નીકળી ન જાય.
ત્યારબાદ આ મિશ્રણને થોડું પાણી ઉમેરી તેને ઢાંકીને ૫ થી ૭ મિનીટ સુધી પાકવા દો. જેથી કરીને તુરીયા બરાબર બફાઈ જાય.
જ્યારે તુરીયા બરાબર બફાય જાય ત્યારબાદ તેની અંદર બીજા વધારાના મસાલા અને લીંબુનો રસ ઉમેરી બરાબર હલાવી લો.
ત્યાર બાદ અંદાજે આ મિશ્રણને 2 મિનીટ સુધી પાકવા દો. બસ આ રીતે તૈયાર છે, એકદમ સ્વાદિષ્ટ અને ચટાકેદાર તુરીયા નું શાક.
લેખન અને સંપાદન : ટીમ ગુજ્જુ ગપશપ
નોંધ:
તમે આ લેખ “ગુજ્જુ ગપશપ” ના માધ્યમ થી વાંચી રહ્યા છો. જો તમને આ લેખ પસંદ આવ્યો હોય તો અન્ય મિત્રો સાથે Share કરજો.
આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.