પાવભાજી નું નામ પડતાં જ દરેક લોકોના મોંમાં પાણી આવી જાય છે. કેમકે લગભગ કોઈ વ્યક્તિ એવું નથી કે જેને પાવભાજી ભાવતી ન હોય. પાવભાજી એકદમ ચટપટું ભોજન છે કે નાનાથી માંડીને મોટા લોકોને ખૂબ જ પ્રિય હોય છે અને સામાન્ય રીતે લોકો દર અઠવાડિયે કે પંદર દિવસે ઘરમાં પાવભાજી તો બનાવતા જ હોય છે. ઘણા લોકો સ્વાદિષ્ટ પાવભાજી ખાવા માટે ઘરની બહાર પણ જાય છે.
જ્યારે તે બહારની આ પાવભાજી ખાય છે ત્યારે મનમાં વિચારે છે કે શું આવી પાવભાજી આપણે ઘરે પણ ન બનાવી શકીએ. જો તમે પણ આવું વિચારતા હો તો અમે લાવી રહ્યા છીએ આપણા મનનું સમાધાન. આજે અમે આપને બતાવી રહ્યા છીએ એકદમ અલગ જ પ્રકારની સ્વાદિષ્ટ પાવભાજી બનાવવાની રેસીપી.
સામગ્રી
- ત્રણ બટેટા
- ચાર ગાજર
- અડધો કપ વટાણા
- એક દુધી
- 2 લીંબુ
- લીલા મરચા
- ૩ ટમેટા
- અડધી ચમચી ધાણાજીરુ પાઉડર
- અડધી ચમચી હળદર
- અડધી ચમચી લાલ મરચું પાઉડર
- 5 લસણની કળીઓ
- બે ચમચી પાવભાજી મસાલો
- અડધી ચમચી ધાણાજીરૂ
- લીલી ધાણા ભાજી
- ૧ ચમચી બટર અને
- સ્વાદ અનુસાર મીઠું
બનાવવાની રીત :-
સૌપ્રથમ બધી જ શાકભાજીને ઝીણા સમારી તેને એક કુકર ની અંદર બરાબર બાફી લો અને જ્યારે આ શાકભાજી બરાબર પાકી જાય ત્યારે ગેસ બંધ કરી રહેલું પાણી નિતારી લો.
હવે આ શાકભાજીને બાઉલ અંદર કાઢી લઈ તેને બરાબર છૂંદી લો.
ત્યારબાદ એક કડાઈ ની અંદર થોડું બટર ઉમેરી તેની અંદર જીરૂ, લસણ અને આદુની પેસ્ટ નો વઘાર કરો ત્યારબાદ તેની અંદર લીલુ મરચુ ડુંગળી અને પાવભાજીનો મસાલો ઉમેરી બરાબર હલાવો.
જ્યારે ડુંગળી અને મરચું બરાબર પાકી જાય ત્યારબાદ તેની ઉપરથી હળદર, ધાણાજીરૂ, લાલ મરચુ પાઉડર, ગરમ મસાલો અને પાવભાજી મસાલો તથા સ્વાદ અનુસાર મીઠું ઉમેરી બરાબર હલાવો.
જ્યારે મસાલા બટરની અંદર બરાબર ભળી જાય ત્યારબાદ તેની અંદર છુંદેલુ શાકભાજી ઉમેરી દો અને બરાબર હલાવો.
હવે તેની અંદર ઉપરથી થોડું બટર ઉમેરી આ પાવભાજી ને થોડી મિનિટ સુધી ચડવા દો.
ત્યારબાદ ગેસ બંધ કરી પાવભાજી ને સર્વિંગ ડિશમાં કાઢી લઇ તેમાં ઉપરથી થોડું બટર અને ધાણા ભાજી ઉમેરો અને ગરમાગરમ પાવ સાથે પીરસો.
લેખન અને સંપાદન : ટીમ ગુજ્જુ ગપશપ
નોંધ:
તમે આ લેખ “ગુજ્જુ ગપશપ” ના માધ્યમ થી વાંચી રહ્યા છો. જો તમને આ લેખ પસંદ આવ્યો હોય તો અન્ય મિત્રો સાથે Share કરજો.
આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.