આજે મોટાભાગના લોકો સવાર-સવારમાં કંઈક સ્વાદિષ્ટ નાસ્તો કરવા માગતા હોય છે. અને તેમાં પણ જો વાત પરાઠાની થાય તો તો શું વાત કહેવી. મોટાભાગના લોકો જાત જાતના પરોઠા ખાતા હોય છે. જેની અંદર આલુ-પરાઠા, ગોબી-પરાઠા અને મેથીના પરાઠા નો સમાવેશ થાય છે. પરંતુ આજે અમે આપને બતાવવા જઈ રહ્યા છીએ એકદમ નવીન વેરાયટીના સ્વાદિષ્ટ એવા મોગલાઈ પરોઠા. તો ચાલો જાણીએ તેની રેસિપી.
સામગ્રી
- 2 કપ મેંદો
- એક ચમચો તેલ
- સ્વાદ અનુસાર મીઠું
- જરૂર મુજબ પાણી
- 1 ઝીણી સમારેલી ડુંગળી
- 2 લીલા મરચા
- 1 ચમચી આદુ-લસણની પેસ્ટ
- એક ચમચી સિમલા મિર્ચ
- ૧ ચમચી ઝીણા સમારેલા ગાજ
- ર અડધી ચમચી હળદર
- અડધી ચમચી લાલ મરચું પાઉડર
- એક ચમચી ધાણાજીરું પાઉડર
- અડધી ચમચી આમચૂર પાઉડર
- અડધી ચમચી ગરમ મસાલો
- 2 કપ પનીર
- મીઠું સ્વાદ અનુસાર
બનાવવાની રીત
સૌપ્રથમ એક પેનમાં તેલ ગરમ કરવા મૂકી તેની અંદર ઝીણી સમારેલી ડુંગળી અને લીલા મરચાં સાંતળો. જ્યારે ડુંગળી બરાબર પાકી જાય. ત્યારે તેની અંદર એક ચમચી જેટલી આદુ અને લસણની પેસ્ટ ઉમેરી તેને બે મિનિટ સુધી ફ્રાય કરો.
ત્યારબાદ તેની અંદર એક ઝીણી સમારેલી સિમલા મિર્ચ, 1 ઝીણું સમારેલું ગાજર ઉમેરી તેને બરાબર પાકવા દો.
ત્યારબાદ તેની અંદર હળદર, લાલ મરચું પાઉડર, ધાણાજીરૂ આમચૂર પાઉડર, ગરમ મસાલો અને સ્વાદ અનુસાર મીઠું ઉમેરી અંદાજે ૨ થી ૩ મિનિટ સુધી શેકાવા દો.
મસાલો જ્યારે બરાબર સેકાઇ ને તેલમાં બરાબર ભળી જાય ત્યારબાદ તેની અંદર બે કપ જેટલા ઝીણા સમારેલ પનીર પીસ ઉમેરી બરાબર હલાવી લો. અને પનીરને બેથી ત્રણ મિનિટ સુધી પાકવા દો.
ત્યારબાદ પરાઠાનો જે રીતે લોટ બાંધતા હોય તે રીતે લોટ બાંધી તેને વણી લેવું. અને તેની વચ્ચે પનીરમાંથી બનાવેલું આ સ્ટફિંગ ભરી અને પરાઠાની જેમ વણી લેવું.
ત્યારબાદ એક નોન સ્ટીક તવી ની અંદર થોડું તેલ મૂકી આ પરાઠાને ગોલ્ડન બ્રાઉન રંગનો થાય ત્યાં સુધી શેકી લો પરોઠાને બનેં સાઈડ બરાબર શેકી લેવું.
બસ આ રીતે તૈયાર છે, એકદમ સ્વાદિષ્ટ એવા મોગલઈ પરોઠા. જેને તમે કોઈપણ સ્વાદિષ્ટ ચટણી સાથે અથવા તો અથાણાં સાથે ખાઈ શકો છો.
લેખન અને સંપાદન : ટીમ ગુજ્જુ ગપશપ
નોંધ:
તમે આ લેખ “ગુજ્જુ ગપશપ” ના માધ્યમ થી વાંચી રહ્યા છો. જો તમને આ લેખ પસંદ આવ્યો હોય તો અન્ય મિત્રો સાથે Share કરજો.
આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.