મેગી નું નામ પડતાં જ દરેક બાળકોના મોંમાં પાણી આવી જાય છે. કેમ કે દરેક બાળકને મેગી તો ભાવથી જ હોય છે પરંતુ આજે અમે આપને બતાવવા જઈ રહ્યા છીએ આ મેગી માંથી બનતી એકદમ સ્વાદિષ્ટ કટલેસ.
સામગ્રી
- એક પેકેટ મેગી
- 2 બાફેલા બટેટા
- 1 વાટકી ટોસ નો ભૂકો
- તળવા માટે તેલ
- ૧ ઝીણું સમારેલ ડુંગળી
- ૧ ચમચી આદુ અને લસણ ની પેસ્ટ
- ૧ નાની ચમચી ચાટ મસાલો
- ઝીણી સમારેલી ધાણા ભાજી
- 2 લીલા મરચા
- સ્વાદ અનુસાર મીઠું
બનાવવાની રીત
સૌપ્રથમ એક બાઉલ ની અંદર થોડું પાણી લઇ તેની અંદર મેગીને પકાવી લો.
ત્યારબાદ એક વાસણ ની અંદર બાફેલા બટેટાનો છૂંદો કરી તેની અંદર એક વાટકો જેટલો ટોસ નો ભૂકો અને મેગી ઉમેરી બરાબર હલાવી લો.
ત્યારબાદ આ મિશ્રણની અંદર સ્વાદ અનુસાર મીઠું આદુ અને લસણની પેસ્ટ ડુંગળી લીલા મરચા ચાટ મસાલો અને લીલી ધાણા ભાજી ઉમેરી તેને બરાબર હલાવી લો.
ત્યારબાદ આ મિશ્રણમાંથી થોડા લૂઆ લઇ તેને ગોળાકારમાં કટલેસના શેપમાં બનાવી લો.
હવે એક પેનમાં તેલ ગરમ કરવા મુકો અને ત્યારબાદ આ કટલેસને તેની અંદર ડીપ ફ્રાય કરી લો.
જ્યારે કટલેસ એકદમ સોનેરી બ્રાઉન રંગની થઈ જાય ત્યારબાદ તેને તેલમાંથી બહાર કાઢી લો અને ગરમાગરમ સોસ સાથે પીરસો.
લેખન અને સંપાદન : ટીમ ગુજ્જુ ગપશપ
નોંધ:
તમે આ લેખ “ગુજ્જુ ગપશપ” ના માધ્યમ થી વાંચી રહ્યા છો. જો તમને આ લેખ પસંદ આવ્યો હોય તો અન્ય મિત્રો સાથે Share કરજો.
આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.