નમસ્કાર મિત્રો, આજે અમે આપના માટે લાવી રહ્યા છીએ એકદમ સ્વાદિષ્ટ એવી કાઠીયાવાડી દાણા ની ખીચડી બનાવવાની રેસીપી તો ચાલો જાણીએ શું છે તેની રેસિપી.
સામગ્રી
- 1 વાટકી ચોખા
- અડધી વાટકી મગ ના ફાડા
- આઠથી દસ સમારેલ ડુંગળી
- 2 ટમેટા
- 2 ચમચી લસણની પેસ્ટ
- એક ચમચી લાલ મરચું પાઉડર
- એક નાનો કટકો આદુનો
- ૨ થી ૩ લીલા મરચા
- 10 લવિંગના દાણા
- અડધી ચમચી હળદર
- સ્વાદ અનુસાર મીઠું
વઘાર માટે
- 1 મોટો ચમચો તેલ
- ૧ નાની ચમચી રાઈ
- એક ચમચી આખું જીરૂ
- આઠથી દસ લીમડાના પાન
- 2 સૂકા લાલ મરચા
- 2 તમાલપત્ર
- એક ચપટી હિંગ
- સ્વાદ અનુસાર મીઠું
બનાવવાની રીત
સૌપ્રથમ ખીચડી બનાવવા માટે એક કુકર ની અંદર ચોખા અને મગની દાળને પાણી વડે ધોઇ કુકર ની અંદર મૂકી દો. ત્યારબાદ તેની અંદર બે ગ્લાસ જેટલું પાણી નાખી. એક ચપટી હળદર અને સ્વાદ અનુસાર મીઠું નાખી તેને બાફવા માટે મૂકી દો.
કાઠીયાવાડી વઘારેલી ખીચડી બનાવવા માટે આપણે જરૂર છે થોડી ઠંડી થઇ ગયેલી ખિચડી. આથી વઘાર કરતાં પહેલાં કાઠીયાવાડી ખીચડીને અંદાજે એક કે બે કલાક પહેલાં જ બનાવી લેવી.
ખીચડી બની જાય ત્યારબાદ આપણે તેના વઘાર કરવા માટે એક અલગ વાસણની અંદર વઘાર તૈયાર કરવાનો છે.
આ માટે એક કડાઈ ની અંદર એક ચમચો તેલ નાખી. તેની અંદર રાઈ અને જીરું ઉમેરો. જ્યારે રાઈ અને જીરું બરાબર આવી જાય ત્યારબાદ તેની અંદર ઉપરથી બે સૂકા લાલ મરચા 2 તમાલપત્ર મીઠા લીમડાના પાંદડા લાલ ચટણી હિંગ અને હળદર ઉમેરી તેનો બરાબર વઘાર કરો.
હવે તેની અંદર ઝીણી સમારેલી ડુંગળી આદુ અને લસણની પેસ્ટ તથા ટામેટા ઉમેરીને તેને બરાબર પાકવા દો. જ્યારે ડુંગળી આછા બ્રાઉન રંગની થાય ત્યાં સુધી તેને પાકવા દો.
હવે આ વઘારને 2 મિનીટ સુધી પાકવા દો. તેની અંદર અગાઉથી બનાવેલી ખીચડી ઉમેરી બરાબર મિક્સ કરી લો. આ રીતે તૈયાર છે, એકદમ સ્વાદિષ્ટ અને તીખી તમતમતી કાઠીયાવાડી દાણા ની ખીચડી.
લેખન અને સંપાદન : ટીમ ગુજ્જુ ગપશપ
નોંધ:
તમે આ લેખ “ગુજ્જુ ગપશપ” ના માધ્યમ થી વાંચી રહ્યા છો. જો તમને આ લેખ પસંદ આવ્યો હોય તો અન્ય મિત્રો સાથે Share કરજો.
આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.