રૂપાલી ગાંગુલી અને ગૌરવ ખન્ના સ્ટાર અભિનિત ‘અનુપમા’ એ લોકોના દિલ જીતવામાં કોઈ કસર છોડી નથી.આ દિવસોમાં શોમાં ખૂબ જ ગરબડ ચાલી રહી છે.’અનુપમા’માં આવતા ટ્વિસ્ટ અને ટર્ન્સ શોને ટીઆરપી લિસ્ટમાં નંબર વન બનાવી રહ્યા છે.
જોકે, ‘અનુપમા’નો વર્તમાન ટ્રેક દર્શકોને બિલકુલ પસંદ નથી આવી રહ્યો. ગયા દિવસે પણ ‘અનુપમા’માં જોવા મળ્યું હતું કે અનુપમા અનુજને સમજાવવાની કોશિશ કરે છે અને તેને રોકવાનો પણ પ્રયાસ કરે છે.પણ અનુજ તેની વાત સાંભળતો નથી.પરંતુ ‘અનુપમા’માં આવતા ટ્વિસ્ટ અને ટર્ન્સ અહીં પુરા થતા નથી.
અનુજ જતાની સાથે જ અનુપમા બેહોશ થઈ જશે.
‘અનુપમા’ ના આજના એપિસોડમાં જોવા મળશે કે અનુજ અનુપમાને છોડી દે છે અને જતા સમયે કહે છે કે આપણી વચ્ચેનો અણબનાવ એટલો વધી ગયો છે કે તે પુરાઈ શકે તેમ નથી.અનુજ તેનો સામાન લઈને નીકળી જાય છે અને અનુપમા બેહોશ થઈને નીચે પડી જાય છે. દેવિકા તેમજ અન્ય લોકો તેને સંભાળવાનો પ્રયાસ કરે છે. બીજી તરફ અનુપમાના હોશમાં આવતા જ બરખા તેના પર ગુસ્સે થવા લાગે છે અને કહે છે કે અનુજ તારી ભૂલને કારણે ઘર છોડીને ગયો છે.
અનુજ-અનુપમા અલગ થતાં જ વનરાજ તેની ખુશીઓ મનાવશે…
અનુજના જવાના સમાચાર શાહ પરિવાર સુધી પહોંચતા જ બધા પરેશાન થઈ જાય છે. પણ વનરાજના ચહેરા પર એક અલગ પ્રકારની ખુશી આવી જાય છે. તે કહે છે કે અનુજ પણ એક સામાન્ય માણસ છે અને તે પણ ભૂલો કરે છે.
તે તકનો લાભ લેવાનું પણ વિચારે છે અને કહે છે, “કાવ્યા અનિરુદ્ધ પાસે જઈ રહી છે અને અનુજ અને અનુપમા અલગ થઈ રહ્યા છે.આમાં કંઈક જોડાણ છે અને મને ખબર નથી કે મને કેમ સારું લાગે છે.” બીજી તરફ ડિમ્પીએ અનુપમાને પણ સવાલ કર્યો કે નાની અનુને ઇગ્નોર કરવામાં આવી છે. આના પર દેવિકા તેને ઠપકો આપે છે.
બરખા અનુજની ગેરહાજરીનો લાભ લેશે.
‘અનુપમા’માં મનોરંજનનો ડોઝ અહીં પૂરો નથી થતો. આ શોમાં આગળ જોવા મળશે કે જતા જતા અનુજ આખું જ કાપડિયા એમ્પાયર અનુપમા અને અંકુશના નામે કરી દેં છે..બરખા આનો લાભ લેવાનો પ્રયત્ન કરે છે
અને અંકુશના મનમાં ભરે છે, “અનુપમા નાની અનુ અને અનુજને યાદ કરીને આંસુ વહાવશે. આ યોગ્ય તક છે કે તમે બોસ તરીકે કંપનીમાં પ્રવેશી શકો છો..આ સિવાય ‘અનુપમા’ના પ્રોમો વીડિયોમાં જોવા મળ્યું હતું કે અનુજ અને અનુપમા બંને ગુમ થઈ જશે.
