ભારતીય સંસ્કૃતિમાં લગ્નને સાત જન્મોનો સાથ માનવામાં આવે છે જયારે ગુજરાતના એક પડોશી રાજ્ય રાજસ્થાનમાં એક અનોખી પરંપરા જોવા મળે છે. અહિયાં જયારે કોઇ સ્ત્રી ગર્ભવતી થાય એટલે પતિ બીજી સ્ત્રી સાથે લગ્ન કરી લે છે, આ વાત જેટલી અજીબ છે તેના પાછળનું કારણ એટલું જ ચોંકાવનારુ છે.
આ રીવાજ છે કે અંધશ્રધ્ધા તે અનેક સવાલો પેદા કરનાર છે. જાણવા જેવી વાત તો એ છે કે, લગ્ન કરતા પહેલા દરેક કન્યાને પણ ખબર હોય છે કે લગ્નના અમુક દિવસ પછી ક્યારેક ને ક્યારેક તો તેનો પતિ બીજા લગ્ન કરી જ લેશે. આ પરંપરા રાજસ્થાનના બાડમેર જિલ્લામા આવેલ દેરાસર ગામમાં હજી પણ લાગુ છે અને ઘણા વર્ષોથી લોકો તેને નિભાવી પણ રહ્યા છે.
આ ગામની વર્ષો જુની પરંપરા છે કે, પ્રથમ પત્ની પ્રેગનેન્ટ થતા જ તેનો પતિ બીજી છોકરી સાથે લગ્ન કરી લે છે, જેટલો આ રિવાજ અજીબ છે તેની પાછળનું કારણ પણ એટલુંજ હેરાન કરનારું છે. કહેવાય છે કે આ વિસ્તારમાં પાણીની ખુબ સમસ્યા છે.
આ સમસ્યાનો ઉકેલ અનેક રજૂઆતો કરવા છતા પણ હજી સુધી નથી આવ્યો એવામાં અહીં રહેતી સ્ત્રીઓને કેટલાય કિલોમીટર ચાલીને પાણી ભરીને લાવવું પડે છે. ગર્ભવતી મહિલાનું પાણી ભરીને લાવવું જોખમી હોય છે આ કારણે પુરૂષ પોતાની પત્ની જેવી જ ગર્ભવતી થાય કે તરત જ પુરુષ બીજા લગ્ન કરી લે છે, કેમકે પાણી લાવવાની જવાબદારી બીજી પત્ની ઉઠાવે અને પહેલી પત્નીનું ધ્યાન પણ રાખે.
અત્રે નોંધનીય છે કે, ભારતમાં એવા ઘણા વિસ્તાર છે જ્યાં એક થી વધુ વિવાહની પરંપરા છે અને દેરાસર ગામ પણ એમાનું એક છે. ફક્ત રાજસ્થાન જ નહીં પરંતુ મહારાષ્ટ્રમાં પણ અમુક ગામોમાં પાણીની તંગીના કારણે આ પ્રથા આજે પણ જીવિત છે. ઘણી જગ્યાઓ પર આવી પત્નીઓને ‘વોટર વાઈફ્સ’ કહીને પણ બોલાવવામાં આવે છે.
